ТАНД ХЭРЭГТЭЙ

Таны тээвэрлэлтэндээ бодит үнийн санал авахын тулд доорх мэдээллүүдийг манай мэргэжилтнүүдэд үнэн зөвөөр гаргаж өгөх хэрэгтэй.
• Ачаа тээвэрлүүлэх улсын өртөө буюу боомт (Origin)
• Ачаа хүлээн авах улсын өртөө буюу боомт (Destination)
• Ачигдах бараа бүтээгдэхүүний нэр (Commodity)
• Ачигдах бараа бүтээгдэхүүний жин, эзэлхүүн (Weight, Volume)
• Тээвэрлэлтийн нөхцөл (Олон улсын худалдааны нөхцөл - Incoterms)
• Ачааны нөхцөл (Condition)
• Бусад нэмэлт үйлчилгээнүүд (Хүргэлт, Гааль, Сав баглаа боодол гм..,)
Дээрх шаардлагатай мэдээллийг ойлгохгүй байгаа тохиолдолд манай мэргэжилтэнгүүдээс үнэ төлбөргүйгээр зөвлөгөө авах боломжтой бөгөөд таны өгөх мэдээлэл тодорхой байх тусмаа үнийн санал өөрчлөгдөхгүй буюу нэмэлт зардал

Таны өгсөн мэдээлэл хэр тодорхой байгаа, таны хүсч буй ачаа тээвэрлүүлэх орон манай улстай хэр харилцаатай байдаг болон таны тээвэрлүүлэх бараа бүтээгдэхүүний онцлогоос шалтгаалан үнийн саналыг 1 цагаас 7 хоногийн дотор гаргаж өгдөг. Ер нь ихэнх тохиолдолд үнийн саналын асуулга ирснээс хойш ажлын 1-2 хоногийн дотор манай мэргэжилтэнгүүд танд хариу өгсөн байна.

Монгол, Хятад, Оросын төмөр зам, далайн тээврийн компаниуд, авиа компаниуд болон автын компаниуд нь шатахуун түлш, цахилгаан эрчим хүчний үнэ болон бусад дүрэм журмын өөрчлөлтөөс шалтгаалан үнэ тариффаа байнга өөрчилж байдаг. Тиймээс бидний танд санал болгож буй үнийн санал ч тодорхой хугацаанд хүчин төгөлдөр байдаг бөгөөд манай мэргэжилтэнгүүдийн явуулсан үнийн санал дээр “ҮНИЙН САНАЛЫН ХҮЧИНТЭЙ ХУГАЦАА”-г зааж өгсөн байдаг тул та бүхэн түүнийг анхааран ажилаа төлөвлөөрэй. Дийлэнх далайгаар дамжин ирж буй контейнр болон вагоны ачаан дээр үнийн санал, өгснөөс хойш сарын хугацаанд хүчинтэй байдаг. Зарим онцгой тохиолдолд үнийн саналын хүчинтэй хугацаа мөн өөрчлөгддөг тул та бүхэн анхаарна уу.

Түүвэр ачаа болон агаарын ачааны хувьд тодорхой багтаамжтай хэрэгсэлд тээвэрлэгдэн ирдэг тул ачааны жин болон эзлэхүүний аль их хэмжээтэй байгаагаар нь таны ачааны үнэ тооцогддог. Мөн түүвэр ачааны хувьд ачааны эзлэхүүнийг хамгийн багадаа 1 куб метр гэж тооцогдогийг анхаараарай.

Манай тээвэр зохион байгуулалтын албаны замын мэдээ хариуцсан мэргэжилтэнгүүд таны ачаа ачигдаж эхэлснээс хүрэх газраа иртэл нь таныг мэдээллээр хангахдаа доорх аргуудыг ашигладаг.
• Утсаар мэдээлэх
• Мессэжээр мэдээлэх
• И-мэйлээр мэдээлэх
Хэрэвээ манай компаниас танд мэдээ очихгүй байвал таны манай системд бүртгүүлсэн холбоо барих хаягууд буруу бүртгэгдсэн байж болох тул манай тээвэр зохион байгуулалтын хэлтэсийн мэргэжилтэнгүүд рүү доорх холбоо барих мэдээллээр холбогдон лавлах боломжтой.

Мөн манай вэб сайтанд ачааны замын мэдээ шалгах хэсэг байгаа тул та хүссэн үедээ 24 цагийн турш мэдээгээ шалгах боломжтой.

Бид байнгын харилцагчиддаа төлбөр төлөх хөнгөлттэй нөхцөлтэй гэрээ байгуулдаг. Хэрэвээ та хөнгөлттэй нөхцөлөөр гэрээ байгуулаагүй бол ачаа хөдлөхийн өмнө болон ачаа хүрэх газраа хүрэн та ачаагаа авахаас өмнө төлбөрөө төлөх шаардлагатай. Ачааны төлбөрийг манайхаас өгсөн нэхэмжлэхийн дагуу төлөх бөгөөд доорх банкны дансуудаар болон манай оффис дээр биеэр ирэн төлөх боломжтой. Санхүү бүртгэлийн албатай холбогдох мэдээллийг энд дарж харна уу.

Манай вэбийн хэрэглэгч нэвтрэх хэсгийн доод буланд буй шинээр бүртгүүлэх товчин дээр дарж зурагт харуулсан мэдээллүүдийг бөглөн хүсэлтээ илгээснээр манай вэбэд бүртгүүлэх боломж нээгдэнэ. Манай мэдээлэл технологийн албныхан ажлын нэг өдөрт багтаан таны хүсэлтийг системд албан ёсоор байршуулж, тань руу нууц үгийг илгээх болно. Энэхүү систем нь байнгын харилцагчидад зориулагдсан тул та манайхаар хагас жилээс дээш хугацаанд огтхон ч ачаа тээвэрлүүлээгүй тохиолдолд системийн бүртгэлээс автоматаар хасагдах болохыг анхаарана уу. Танд амжилт хүсье.

Манай системд бүртгүүлснээр доорх давуу талуудыг эдлэх боломжтой.
• Замд явж буй бүх ачааныхаа мэдээг нэгэн зэрэг харах
• Сүүлийн жилд тээвэрлүүлсэн ачааныхаа үнэ хөлс, тээвэрлэгдсэн хугацааг харах
• Манай компаниас хэрэглэгчиддээ барих урамшуулал, хөнгөлөлтийн мэдээлэл авах